Հայաստանում անցկացվող անշարժ գույքի և կառուցապատման ոլորտի ամենամասշտաբային միջազգային էքսպոյին այս տարի մասնակցություն ունեցավ նաև ԱԼՊ Քոնսթրաքշնը՝ իր յուրահատուկ տաղավարով ու հարուստ տեսականիով։
TOON EXPO-ն Երևանի Կ․ Դեմիրճյանի մարզահամերգային համալիրում անցկացվում է արդեն 2-րդ անգամ, սակայն այս տարի, մասնագետների գնահատմամբ, էլ ավելի ներկայացուցչական էր ու մասշտաբային։ Կազմակերպիչ Բիգ Փրոջեքթս ընկերության ներկայացուցիչները, արդյունքներն ամփոփելիս, տեղեկացրեցին, որ 3 օրերի ընթացքում միջոցառումն ունեցավ աննախադեպ՝ 30.000 այցելու։ Մասնագիտացված միջազգային էքսպոն մի կողմից շահավետ ինֆորմացիոն հարթակ դարձավ բնակարան և շինարարական ապրանքներ ու ծառայություններ փնտրող անհատների, մյուս կողմից՝ համագործակցության մեծ դաշտ զանազան առաջարկներով հանդես եկող կազմակերպությունների համար։
Շուրջ 100 մասնակից ընկերությունների շարքում ԱԼՊ-ն ևս ունեցավ տպավորիչ արդյունքներ, աչքի ընկավ իր հարուստ տեսականիով, նորություններով։ Հատկապես թրենդային դռները, ապակե արտադրանքը, ինտերիերի ու էքստերիերի կահավորման մեջ օգտագործվող նորարար մեխանիզմներն ու դետալները մեծ հետաքրքրություն առաջացրեցին ինչպես պրոֆեսիանալ այցելուների՝ դիզայներների, նախագծողների ու շինարարների շրջանում, այնպես էլ՝ անհատ սպառողների։
